Гишүүдийн амьдрал хүнд байна

Ааяа доктор өгүүлрүүн: Эдийн засгийн байдал хүндэрч, амьжиргааны түвшин доройтож байгаа энэ цагт "Хэцүү ангийнхан"-ы маань амьдрал ч басхүү хүнд байна. Тэднийг юм л бол "Төрөөс төрсөн тэрбумтан", "гишүүн болохын тулд цацсан мөнгөө төрийн мөнгөөр нөхөгчид" хэмээн элдвээр цоллосоор нийгэмд "Хэцүү ангийнхан"-аас баян хүн байхгүй хэмээх ойлголт тогтчихжээ.

Гишүүд ч үүндээ бүр дасчихсан, амьдрал ахуй нь хэцүүднэ, зайлуул хүн л юм болсон хойно авгай хүүхэддээ мөнгө төгрөг илүүчлэнэ, тэд нь ч гишүүний эхнэр хүүхэд учир жирийн олонтой автобусанд хамт ачуулж, Нарантуулаар "шоппинг"-долтой биш мөнгөний хэрэгцээ ч их байлгүй яахав.

Үүнийг нэрэлхэлгүй хэлчих гишүүн олдохгүй байсаар ашгүй нэг юм өнгөрсөн долоо хоногийн чуулганд Ц.Оюунбаатар гишүүн зовлонгоо тоочих нь тэр.Инфляциас болоод гишүүний цалингаар амьдрах аргагүй болсныг тэрээр онцолсон юм.