УИХ-ын гишүүн асан Ц.Батбаярт 2.1 жилийн ял оноож хорих анги руу ачлаа

НИТХ-ын дарга асан Т.Билэгт, УИХ-ын гишүүн асан Ц.Батбаяр нарт холбогдох шүүх хурал өнөөдөр өглөө Дүүргийн Эрүүгийн хэргийн нэгдүгээр шүүхэд эхэлснээс хойш үргэлжилсээр дөнгөж сая шүүх бүрэлдэхүүн шийдвэрээ сонсгосноор өндөрлөөд байна.

Т.Билэгт болон н.Маналжав, н.Чанцал нарыг шүүхээс гэм буруутайд тооцсон хэдий ч үйлдсэн хэргийн харгалзах хугацаагаар нь 2009 оны Өршөөлийн хуульд хамруулан хэргийг хэрэгсэхгүй болголоо. Харин нийслэлийн Засаг дарга, УИХ-ын гишүүн асан Ц.Батбаярыг мөн хэрэгт гэм буруутайд тооцож 2.1 жилийн ялыг чанга дэглэмтэй хорих ангид эдлүүлэхээр болж дөнгөж сая шүүхийн танхимаас ШШГЕГ-ын харьяа Цагдан хорих 461 анги руу ачигдлаа. Төрийн албан тушаалтан албаны эрх мэдэл буюу албан тушаалын байдлаа урвуулсан бол дээд тал нь 10 жилийн хорих ялаар шийтгүүлэх заалттай.

Т.Билэгт, Ц.Батбаяр нар нь Нийслэлийн Засаг дарга болон Өмч хувьчлалын ко­мис­сын даргын ажлыг давхар хашиж байхдаа ал­бан тушаалын байдлаа ур­­вуу­лан ашиглаж 605 сая төгрөгийн үнэлгээтэй “Өр­гөө” зочид буудалыг та­тан буулгаж, Н.Энхбаярын хүү Э.Батшугарын нэр дээр байгуулсан “Хар дун” ком­па­нийн өмчлөлд шил­жүү­­лсэн.

Улмаар уг компа­нийг Н.Энхбаярын үүсгэн байгуулсан “Эскон” компа­нийн охин компани болгон шил­жүүлэн үрэгдүүлж, Нийс­лэлийн өмчид онц их хэм­жээний хохирол учруул­сан гэмт хэргийг гардан үйлд­сэн хэрэгт буруутгагдсан.

Мөн Т.Билэгтийг албан тушаа­лын байдлаа урвуулан ашиг­лаж хоёр тэрбум 125 сая төгрөгийн үнэлгээтэй “Улаанбаатар таймс” сониныг хууль бусаар Н.Энхбаярын төрсөн дүү Н.Энхтуяагийн “Медиа холдинг” компани, Д.Чулуунбаатар нарын нэ­рээр хувьчилж, улмаар Н.Энх­баярын үүсгэн байгуул­сан “Эскон” компанийн охин компани болгон шилжүүлэн, үрэгдүүлж Нийслэлийн өмчид онц их хэмжээний хохирол учруулсан гэмт хэргийг гардан үйлдсэн хэрэгт буруутгаж байгаа юм.

Б.Золбоо

шүүх дууссан билэгтийг 2??% чанцал маналжав батбаяр гэм буруутайд 2.1