Дэлхийн супер оддын секс үдэшлэг дэлгэгдэж Америкийг шоконд орууллаа

Америкийн 51 настай санхүүч Дана Жиакетто гэдэг эр "The Hollywood Reporter" сэтгүүлд ярилцлага өгсөн биш Америкийг шоконд орууллаа. Ингэхэд чухам Дана Жиакеттог "Уолл стритийн чоно" киноны гол баатрын эх хувилбар гэдэг юм байна. Яагаа вэ, нөгөө олон оронд хориглосон Леонардо ДиКаприогийн тоглосон кино.

"Үгүй ээ, би бол Уолл-стритийн ишиг" гэж Дана харин даруухан загнаж байна. "Мэдээж, Лео зарим дүр төрхөө надаас хуулбарласан нь үнэн. 1990-ээд онд бид сайн найзууд байсан" гэж Дана мэдэгдлээ. 1998 онд энэ "ишиг" өөрийн оргил үедээ явсан бөгөөд 5 тэрбум долларын санхүүгийн эзэнт гүрнийг хянаж байсан юм. Тухайн үед Холливудын олон од мөнгөө хааш оруулахаа түүнээс очиж асуудаг байжээ.

Дана Жиакетто Америкийн хамгийн алдар цуутай хүмүүст зориулан секс үдэшлэг хэрхэн хийж байснаа ярилцлагадаа өгүүлэв. Тэрбээр цагтаа Манхэттэний пентхауст амьдарч, олон одыг урин завхай үдэшлэг зохиодог байжээ.

Лео Ди Каприо, Кейт Мосс, Бага Жон Кеннеди, Кэмерон Диаз, Бен Аффлек, Тоби Магуайр, "R.E.M"-н Майкл Стайп, Марк Уолберг, Жонни Депп, Вайнона Райдер зэрэг олон алдартан түүний секс үдэшлэгт оролцож байв.

Үдэшлэгийн үеэр лонх нь 3000 долларын үнэтэй оргилуун дарс гол шиг л урсаж, янхан тус бүрд 5000 доллар төлдөг байжээ. Лео, Дана нар Энжел, Тибериус гэдэг элит янхнуудтай байнгын харьцаатай байсан гэнэ.

"Секс, хар тамхитай үдэшлэг зохиодог байсан. Бид хатуу дүрэмтэй байлаа, заавал бэлгэвчтэй секс хийх зэргээр. Пентхаусын цонхуудыг нэвт дэлгээд хаячихна. Нэг удаа Бага Жон Кеннеди шал согтуу цонхны тавцан дээр сууж байдаг байгаа. Би түүн рүү "Хурдхан буу" гэж орилж чарласан. Түүнийг яг унах гэж байхад нэг хүүхэн цээжнээс нь татаж авсан. Азтай шүү " гэж Дана Жиакетто дурсав.

Олон жил энэ байдал үргэлжилсэн бөгөөд Дана найз нөхдөөсөө хулгай хийж байгаад баригдан бөөн шившиг болжээ. Зөвхөн уух юм, зууш, онгоцны тасалбарт нэг удаад л гэхэд ДиКаприогийн дансаас 10'045 доллар авч байсан гээд төсөөл дээ. Дана од найзуудаасаа бараг 20 сая доллар хулгайлжээ. 2000 онд Дана оргон зугтаахыг завдсан ч баригдаж, 3 жил суусан. Түүнийг шоронгоос гарч ирэхэд найзууд нь нүүр буруулж, эхнэр нь салжээ.

Одоо Дана Жиакетто сүмс хийдэг жижиг компанитай бөгөөд үр хүүхдүүдээрээ сэтгэлээ тайтгаруулж суудаг гэнэ.

Сонирхуулахад, Дана 1991 онд "Sub Pop" гэдэг хөгжмийн компанид хөрөнгө оруулжээ. Тэгээд тус компаний эзэмшдэг, хэний ч мэдэхгүй "Nirvana" хамтлагийг алдар хүндэд хүргэж, Курт Кобейнийг супер од болгосон юм.

1990-ээд онд Леонардо ди Каприо, санхүүч Дана Жиакетто /баруун гар талынх/ нар сайн найзууд явжээ.

"Уолл стритийн чоно" киноны кадр.