Чингэлтэй дүүрэгт хятад иргэд монгол эмэгтэйг зоджээ

Чингэлтэй дүүргийн дөрөвдүгээр хороо "Их Өргөө" компанийн барилга дээр ажиллаж байсан олон тооны хятад иргэд хятад иргэд өнгөрсөн лхагва гаригт багагүй асуудлыг үүсгэжээ.

Эх сурвалжийн хэлж байгаагаар тухайн өдрийн 19.00 цагийн үед тэнд ажилладаг хятадууд орчуулагч монгол эмэгтэйг зодсон байна. Улмаар эл барилгын хажууханд байсан монгол залуус тэдний үйлдлийг харж таслан зогсоохоор, маргалдаж эхэлжээ.

Энэ үеэр цагдаагийн алба хаагчид ирсэн ч хятад иргэд хуванцар, төмөр зэргийг өөдөөс нь шидэж асуудлыг хүндрүүлсэн байна. Тиймээс цагдаагийн байгууллагынхан нэмэлт хүч дуудаж 29 хятадыг саатуулжээ. Одоогоор уг хэргийг Чингэлтэй дүүргийн цагдаагийн нэгдүгээр хэлтэс шалгаж байгаа аж.

Д.Саруул