В.В.Путины айлчлал зургаан цаг үргэлжилнэ

Энэ сарын 3-нд ОХУ-ын Ерөнхийлөгч В.В.Путин манай улсад айлчлал хийх юм. Халх голын ойг тааруулан Монголд хийх түүний айлчлал зургаан цаг үргэлжлэх ажээ.

Айлчлалын үеэр Монгол, ОХУ-ын Ерөнхийлөгч нар ганцаарчилсан уулзалт хийж, зарим гэрээ хэлэлцээнд гарын үсэг зурах юм. Мөн Оросын Ерөнхийлөгч Халх голын дайны 75 жилийн ойд оролцож, ахмад дайчидтай үдийн зоог барих, Жуковын хөшөөнд цэцэг өргөх аж.

ОХУ-ын Ерөнхийлөгч В.В.Путин манай улсад хийх айлчлал гурав дахь удаагийнх юм. Өмнө тэрбээр, 2000 оны арваннэгдүгээр сард манай улсад албан ёсны айлчлал хийж, хоёр орны харилцаа, хамтын ажиллагааны чиглэлийг тодорхойлж, “Улаанбаатарын тунхаглал”-д гарын үсэг зурсан билээ.

Д.Саруул