Есөн дүүргийн цагдаагийн дарга нарыг ажлаас нь түдгэлзүүллээ

ЦЕГ-ын шинэ дарга, тэргүүн комиссар С.Баатаржав албан тушаалаа авсаныхаа дараа Хууль зүйн сайд Х.Тэмүүжингийн эсрэг хөдөлсөн гэх хурандаа нарыг албан тушаалаас нь чөлөөлж, цолыг нь хураан авсан.

Тухайн үед ЦЕГ-аас албан тушаалын халаа сэлгээ үргэлжлэхгүй гэж мэдэгдэж байсан ч С.Баатаржавын халаа сэлгээ зөвхөн хурандаа нарыг ч дайраад өнгөрсөнгүй.

Тодруулбал, С.Баатаржав даваа гаригт тушаал гаргаж, есөн дүүргийн цагдаагийн газрын дарга нарыг үүрэгт ажлаас нь түр түдгэлзүүллээ.

Тэдний оронд томилогдох албан тушаалтнуудтай уулзан санал бодлыг нь сонсож байгаа гэж баттай эх сурвалж мэдээлж байна.

Шинэ томилогдох дарга нарыг нэрсирэх долоо хоногт тодорхой болох юм байна. Харин чөлөөлөгдсөн дарга нарыг ЦЕГ-ын боловсон хүчний мэдэлд шилжүүлжээ.

Мөн есөн дүүргийн цагдаагийн газрын дарга нарыг халаад зогсохгүй Зохион байгуулалттай гэмт хэрэгтэй тэмцэх газрын хэд хэдэндаргыг ажлаас нь чөлөөлжээ. Тэдний дунд, Хар тамхи, биеэ үнэлэлттэй тэмцэх газрын дарга н.Батзориг, Эдийн засгийн гэмт хэргийг мөрдөн хэлтсийн дарга н.Энхтөр нар багтаж байна .