Словенийн рок хамтлаг Хойд Солонгос улсад тоглолт хийжээ

Словени улсын "Laibach" нэртэй рок хамтлаг өнгөрсөн 19, 20-ны өдрүүдэд Хойд Солонгос улсын Пёнгянг хотноо амьд тоглолт хийжээ.

Тус улсад өмнө нь гадааадын рок хамтлаг амьд тоглолт хийж байгаагүй бөгөөд зургаан гишүүнтэй хамтлагийнхан, Хойд Солонгосчуудад рок дууг ойлгомжтой байдлаар хүргэхийн тулд дэлхийд их түгсэн "The Sound of Music"киноны дуунуудаас дуулсан байна.

"Соёлын ордон дүүрэн иргэд хэдийгээр дууны утгыг ойлгохгүй байгаа нь мэдэгдэж байсан ч бидний дуулсан дуу бүрийн дараа халуун алга ташилт бэлэглэж байсан юм. Үзэгчдийн дийлэнх нь дунд эргэм насны эрэгтэйчүүд байсан бөгөөд тэд бидний хөдөлгөөн, дуу бүрийг маш анхааралтай ажиглаж байсан " гэж Словени улсын "Laibach" хамтлагийн гишүүд хэлсэн байна.