“Төрийн үйлчилгээний супермаркет” байгуулна

Төрийн үйлчилгээг иргэдэд чирэгдэлгүй хүргэх үүд­нээс нийслэлд “Төрийн үйлчилгээний супермаркет” буюу үйлчилгээний нэгдсэн төв байгуулахаар болжээ. Ингэснээр иргэд олон газраар явалгүй , нэг дороос бүх үйлчилгээгээ авах боломжтой болох юм.Энэхүү төвийг Баянзүрх дүүрэгт “Дүнжингарав” худалдааны төв, Хан-Уул дүүрэгт “Мишээл экспо” төвийн бай­ранд, Сон­гино­хайрхан дүү­рэгт “Содон хороолол”-д байгуулах юм байна.

Эхний ээлжинд “Дүнжингарав” худалдааны төв дэх төрийн үйл­чилгээний супермаркетыг энэ ондоо багтаан бай­гуу­лах гэнэ. Тус төв нь 2800 ам.дөрвөлжин талбайтай, 5000 автомашины зогсоолтой, автобусны 8 чиглэлтэй байна. Эндүйлчилгээний, өөртөө үйлчлэх, албан хаагчдын контор, уулзалтын, хүүхэд саатуулах, банк, нотариат, кафе гэсэн есөн төрлийн өрөө, танхимтай. Иргэдийг хүлээн авах төв, Улаанбаатар дулааны сүлжээ, Улаанбаатар цахилгаан түгээх сүлжээ, Мэдээлэл, холбооны сүлжээ, Ус сувгийн удирдах газар, Нийслэлийн мэргэжлийн хяналтын газар, нийслэлийн Ерөнхий төлөвлөгөөний газар зэрэг байгууллагын 223 нэр төрлийн үйлчилгээ үзүүлэх боломжтой бөгөөд нэг удаад 180, өдөрт 2400-4320 иргэнд 130 гаруй төрийн албан хаагчид үйлчилж ажил, үүрэг гүйцэтгэх юм байна. Албан хаагчдыг нийслэлийн нутгийн захир­гааныхолбогдох бай­гуул­­лагуудаастатан төвлөрүүлэх бөгөөд одоо ашиглаж буй зарим тавилга, тоног төхөөрөмжийг шилжүүлэн ашиглахаар тоо­цоолжээ.

Эдийн засгийн хүндрэлтэй байгаа энэ үед төлөвлөсөн зардлаа танаж, үйлчилгээнд зайлшгүй шаард­лагатай байгаа, хэрэгцээт зардлын тооцоог төлөвлөж гаргасан аж. Уг төвийг ажиллуулахад нийт нэг тэрбум 312 сая төгрөг шаардлагатай юм байна.

Ю.Халиун