Б.Ханбаатарын хэргийг мөрдөн байцаалтад буцаав

Төв аймгийн Баянчандмань сумын Засаг даргын орлогч Б.Ханбаатар гэгч этгээд согтуу үедээ хамт ажилладаг байсан эмэгтэйг хүчирхийлж, зодсон аймшигт хэргийг өнгөрсөн оны есдүгээр сард үйлдсэн билээ. Уг хэргийг Сонгинохайрхан дүүргийн цагдаагийн хэлтэс шалгаж, дуусаад харьяаллын дагуу прокурорт шилжүүлсэн.

Прокурорын байгууллаагаас Төв аймгийн Баянчандмань сумын ЗДТГ-ын дарга Г.Ариунболд энэ хэрэгт хамаагүй, гэрчээр оролцож байгаа. Харин Засаг даргын орлогч Б.Ханбаатар гэгч энэ хэргийг ганцаараа үйлдсэн хэмээн үзжээ.

Улмаар энэ хэрэгт Б.Ханбаатарыг Эрүүгийн хуулийн 125.1, 126.2.1, 126.2.2, 126.2.5-д заасны дагуу яллах саналтайгаар Баянгол, Хан-Уул, Сонгионхайрхан дүүргийн эрүүгийн хэргийн анхан шатны шүүхэд шилжүүлээд байсан. Тэгвэл Баянгол, Хан-Уул, Сонгионхайрхан дүүргийн эрүүгийн хэргийн анхан шатны шүүхээс хэргийн мөрдөн байцаалтын ажиллагаа дутуу хийгдсэн тул хэргийг эцэслэн шийдвэрлэх боломжгүй гэж үзэн мөрдөн байцаалтад буцаажээ.

Г.Заяа