Говь-Алтайн удирдлагуудыг АТГ-аас шалгаж эхэлжээ

Говь-Алтай аймгийн удирдлагуудыг АТГ орон нутгийнаа аж ахуйн нэгжүүдийг дарамталж, мөнгө нэхсэн гэх асуудлаар шалгаж эхэлсэн талаар өнөөдрийн зарим хэвлэлүүд онцолжээ. Тодруулбал, тус аймгийн Иргэдийн хурлын дарга А.Дэлгэржаргал, Есөнбулаг сумын Засаг дарга Ж.Ганбат, Бигэр сумын Засаг дарга Б.Энхтүвшин нарын хүмүүс Эрүүгийн хуулийн 263 дугаар зүйл анги буюу төрийн албан тушаалтан албан тушаалын эрх мэдэл, албан тушаалын байдлаа урвуулан ашиглаж, үүний улмаас бусдад их хэмжээний хор хохирол учруулсан хэргээр Авлигатай тэмцэх газарт шалгаж байгаа аж.

Энэ талаар АТГ-ын холбогдох албаны хүнээс тодруулах гэсэн боловч дорвитой мэдээлэл өгөөгүй юм. Юутай ч дээрх мэдээллийн мөрөөр эргэн мэдээлэх болно.

Г.Тамир