ЦЕГ-ын даргын асуудлыг хэлэлцэх хурлыг С.Баярцогт хойшлуулжээ

Хууль зүйн сайд Д.Дорлигжавыг хуулиар олгогдсон эрхийнхээ хүрээнд Р.Чингисийг ЦЕГ-ын даргаас чөлөөлөх саналаа Засгийн газарт хүргүүлсэн талаар мэдээлсэн билээ.

Тэгвэл дөнгөж сая Засгийн газрын ээлжит бус хуралдаанаар ЦЕГ-ын даргыг чөлөөлөх асуудлыг хэлэлцэх байсан боловч ЗГХЭГ-ын дарга С.Баярцогт тодорхой бус шалтгаанаар уг хурлыг хойшлуулсан талаар эх сурвалж мэдээллээ.

Дашрамд дурдахад, Ерөнхий сайд Ч.Сайханбилэг Ховд аймагт томилолтоор ажиллаж байгаа учир хуралдааныг Шадар сайд Ц.Оюунбаатар удирдсан юм.

Ю.Халиун