Р.Эрдэнэбүрэнг батлан даалтад гаргажээ

Авлигын хэргээр Төв аймгийн цагдан хорих ангид саатуулагдаад байсан БХБЯ-ны Төрийн нарийн бичгийн дарга Р.Эрдэнэбүрэнг өнгөрсөн долоо хоногийн пүрэв гаригт шүүхийн шийдвэрээр батлан даалтад гаргажээ. Түүнийг Төрийн нарын бичгийн даргаар ажиллаж байхдаа “ Барилгын салбарыг дэмжиж, улмаар орон сууцны үнийг тогтворжуулах” хөтөлбөрийн хүрээнд хууль бус шийдвэр гарган, бусдаас хээл хахууль авсан байж болзошгүй гэх үндэслэлээр эрүүгийн хэрэг үүсгэж, энэ сарын 1-ний өдөр Төв аймгийн цагдан хорих төвд саатуулаад байсан юм. Гэвч түүнийг сэжигтнээр цагдан хорьсон 14 хоногийн хуулийн хугацаа өнгөрсөн долоо хоногт дууссан тул шүүхийн шийдвэрээр батлан даалтад гаргасан байна.