Шилжилт хөдөлгөөнийг энэ сарын 30-наас зогсооно

УИХ-ын ээлжит сонгуулийг зургаадугаар сарын 29-ний өдөр товлосон бөгөөд үүнтэй холбогдуулан шилжилт хөдөлгөөнийг хуулийн дагуу санал авахаас 60 хоногийн өмнө буюу дөрөвдүгээр сарын 30-наас зогсоохоор төлөвлөжээ.

Тиймээс иргэд өөр аймаг сум, засаг захиргааны нэгж рүү шилжсэн бол бүртгэлээ энэ сарын 30-наас өмнө хийлгэх хэрэгтэйг анхаарна уу.

Одоогоор шилжилт хөдөлгөөн хийсэн ч тухайн газартаа бүртгэлээ хийлгээгүй 11 мянган иргэн байна. Монгол Улсын сонгогчдын нэрийн жагсаалтыгwww.burtgel.gov.mn цахим хуудаст байршуулжээ. Урьдчилсан байдлаар санал өгөх насны 2 сая 4048 иргэний мэдээллийг байрлуулсан байна.

Иргэд зургаадугаар сарын 29-ныг хүртэл Бүртгэл статистикийн ерөнхий газрынwww.burtgel.gov.mn сайтаас өөрийн бүртгэлийн мэдээллээ баталгаажуулах боломжтой. Хэрэв зөрүүтэй мэдээлэл байвал оршин суугаа газрынхаа харьяа бүртгэл статистикийн хэлтэст хандаж зөрчлөө арилгуулах шаардлагатай юм байна.

С.Батсүх