АН-ын бүлгийн хурлаас шалтгаалан байнгын хороодын хурал хойшиллоо

УИХ-ын байнгын хороод өнөөдөр хуралдахаар товлоод байсан ч АН-ын бүлэг хуралдаж байгаатай холбоотойгоор ирц бүрдэхгүй учир бүлгийн хурлууд хойшиллоо.

Тодруулбал, УИХ-ын Аюулгүй байдал, гадаад бодлогын байнгын хорооны хуралдаанаар Батлан хамгаалах тухай /шинэчилсэн найруулга/ болон холбогдох бусад хуулийн төсөл, Зэвсэгт хүчний тухай /шинэчилсэн найруулга/ болон холбогдох бусад хуулийн төсөл, Цэргийн албаны тухай болон холбогдох бусад хуулийн төсөл, Цэргийн албан хаагчийн эрх зүйн байдлын тухай болон холбогдох бусад хуулийн төсөл, Олон улсын гэрээний тухай /шинэчилсэн найруулга/ болон холбогдох бусад хуулийн төсөл, Төрийн болон албаны нууцын тухай, Мэдээллийн аюулгүй байдлын тухай болон холбогдох бусад хуулийн төсөл, Гадаад харилцааны тухай хуулийн төсөл болон бусад асуудлуудыг хэлэлцэх байсан юм.