Өнөөдөр, маргааш согтууруулах ундаагаар үйлчлэх, борлуулахыг хориглоно

Нийслэлийн Засаг даргын 2016 оны 06 дугаар сарын 20-ны өдрийн “Монгол Улсын сонгуулийн тухай хуулийн хэрэгжилтийг хангах зарим арга хэмжээний тухай” А/499 дүгээр захирамжаар Монгол Улсын Их хурлын болон Нийслэлийн иргэдийн Төлөөлөгчдийн Хурлын сонгуулийн санал авах өдөр буюу 06 дугаар сарын 29-нд, мөн Нийслэлийн Засаг Даргын 2016 оны 06 дугаар сарын 27-ны өдрийн “Зохион байгуулалтын нэмэлт арга хэмжээ авах тухай” А/537 дугаар захирамжаар сонгуулийн санал хураалт дууссаны дараа техникийн тооллого явуулахтай холбогдуулан 2016 оны 06 дугаар сарын 30-ны өдөр Нийслэлийн нутаг дэвсгэрт согтууруулах ундаа худалдан борлуулах, үйлчлэхийг түр зогсоогоод байна.

Цагдаагийн байгууллагаас захирамжийн хэрэгжилтэд хяналт тавьж, зөрчил гаргасан аж ахуйн нэгж байгууллага, иргэнд хуульд заасан хариуцлага хүлээлгэнэ.