Улсын баяр наадам, АСЕМ-д үүрэг гүйцэтгэснээ дүгнэв

Нийслэлийн онцгой байдлын газрын дарга Н.Уламбаяр Улсын баяр наадам, Асемд амжилттай үүрэг гүйцэтгэсэн албан хаагчдад баяр хүргэсэн юм.Албаны өндөржүүлсэн бэлэн байдлын зэрэгт шилжүүлж ажилласан өдрүүдэд тус газрын удирдлагаас бие бүрэлдэхүүний бэлэн байдлыг хангуулж, төв штабын ерөнхий эргүүл, хариуцлагатай жижүүрүүдэд тухай бүр нь үүрэг чиглэл өгч, удирдлагаар хангаж, Төв цэнгэлдэх хүрээлэн, Хүй долоон худаг, ёслолын буудлагын цэгүүдэд урьдчилан сэргийлэх асуудал хариуцсан мэргэжилтэнүүд гамшгийн болон гал түймрийн улсын хяналтын байцаагч нар хяналт тавьж,галын аюулгүй байдлыг хангуулж ажилласан байна. Аврах ангийн Завьт эргүүл, Гал унтраах, аврах ангийн томилгоот ээлжийн бүрэлдэхүүн үүргээ дүүрэн хангалттай гүйцэтгэж ажилласаны үр дүнд нийслэл хотын хэмжээнд томоохон гал түймэр,аюулт үзэгдэл, техникийн холбогдолтой осол гараагүй тайван байлаа.

Мөн завьт эргүүлээр Туул голын дагуу сэрэмжлүүлэг хүргэхээс гадна Гачуурт тосгоны Эко постын ажилтнуудад зөвлөгөө, чиглэл өгч, сэрэмжлүүлгийн тараах материалыг уг постоор Туул гол руу нэвтэрч буй автомашинтай иргэдэд нэг бүрчлэн хүргэж ажилласнаар усны осол гарахаас урьдчилан сэргийлэх ажил үр дүнтэй болсон юм.