Ирэх сарын 1-нээс шаардлага хангахгүй микро автобусыг үйлчилгээнээс хасна

Ирэх сарын 1-нээс стандартын шаардлагад нийцээгүй 171 микро автобусыг үйлчилгээнээс хасна. Нийслэлийн хэмжээнд үйлчилгээ эрхэлж байгаа микро автобуснаас 12-оос дээш жил ашигласан, насжилт нь дууссан микро автобусыг нийтийн тээврийн үйлчилгээнд явуулахгүй болохыг Нийслэлийн нийтийн тээврийн газраас мэдээллээ. Харин том оврын автобустай чиглэл давхцаагүй, зорчих тээврийн стандартад нийцсэн 45 микро автобус нийтийн тээвэрт үйлчлэх гэнэ. Эдгээр 45 микро автобус нь зайлшгүй нийтийн тээвэр хэрэгтэй, том оврын автобус явах боломжгүй Сонгинохайрхан дүүргийн 23 дугаар хороо, Баянгол дүүргийн 22 дугаар хороо, Баруун туруун, Партизан зэрэг чиглэлүүдэд иргэдэд хүрч, үйлчлэх юм байна.