Элсэлтийн ерөнхий шалгалт эхэллээ

Ерөнхий боловсролын дунд сургуулийн XI ангийн сурагчдын элсэлтийн ерөнхий шалгалт өнөөдрөөс эхэлнэ. Энэ жил нийт 43800 сурагч элсэлтийн шалгалтад орох ажээ. Боловсрол, шинжлэх ухааны яамны харъяа Боловсролын үнэлгээний төв элсэгчдийг 52 шалгалтын байранд хуваарилан, шалгалт авах бэлтгэлийг бүрэн хангаж дууссан байна.

Сурагчид шалгалтад орохоор ирэхдээ бүртгэлийн хуудас, шар хуудас, бүрэн дунд боловсролын гэрчилгээ /хувь/, иргэний үнэмлэх зэргийг бүрдүүлэх шаардлагатай аж. Харин иргэний үнэмлэх авах нас нь болоогүй сурагчид суралцаж буй сургууль болон харьяа хороо, дүүргийн Засаг даргын тодорхойлолт авах хэрэгтэй аж. Түүнчлэн бүртгэлийн хуудас нь тамга дарж, гарын үсэг зурж баталгаажсан байх шаардлагатай юм.

Элсэлтийн ерөнхий шалгалтын хуваарийг танилцуулъя.

Сар, өдөр	Цаг минут	Шалгалт
06 сарын 14	1000-1120	Орос хэл
	1300-1440	Хими
	1600-1720	Англи хэл
06 сарын 15	0830-0950	Монгол Улсын түүх
	1130-1310	Математик
	1430-1550	Биологи
	1700-1820	Монгол хэл
06 сарын 16	0830-0950	Газар зүй
	1130-1250	Нийгмийн тухай мэдлэг
	1420-1600	Физик