Цасан шуургатай өдөр сумын төвөөс гэр лүүгээ мотоциклтой гараад энджээ

Говь-Алтай аймгийн Дэлгэр сумаас иргэн 16 настай Л дөрөвдүгээр сарын 25-ны өдрийн 12:30 цагийн орчимд Баянбуурал баг дахь гэр лүүгээ явна гэж мотоциклтой гараад сураггүй болжээ. Энэ дуудлагыг 26-ны  00:40 цагт аймгийн Онцгой байдлын газарт өгсөн байна.

Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчдаас гадна сумын Засаг даргын Тамгын газрын ажилтнууд, ар гэрийнхэн нь эрэн хайх ажиллагааг зохион байгуулжээ.  

Эрэл эхэлсэн өдрийн 17:50 цагт сумын төвөөс баруун урд зүгт 35 км-т Нар-Уулын худаг хэмээх газраас унаж явсан мотоциклыг олсон байна. Маргааш нь буюу 27-ны өдрийн 08:00 цагаас эрэн хайх ажиллагааг эхлүүлж, 09:30 цагт Дэлгэр сумаас баруун урд зүгт 50 км-т Хүрэмтийн-Амны Огторгоны бууц” гэдэг газраас цогцсыг олсон хэмээн ОБЕГ-аас мэдээлэв. Тухайн өдөр салхитай, цасан шуургатай байжээ.