Согтуу зорчигчийн уршгаар зургаан хүн нас баржээ

  Монголчууд "Гай газар доороос, гахай модон дотроос" гэж ярьцгаадаг. Тэгвэл энэ үгэнд дүйцэх нэгэн явдал Мексикт болжээ. Тус улсын Пуэбла мужид зорчигчид зөөвөрлөж явсан автобусны жолооч руу нэгэн согтуу этгээд дайрч, улмаар жолооны ард суусан аж. Төдөлгүй автобус онхолдсоноор зургаан хүн нас барж, 18 зорчигч гэмтэж бэртсэн байна. "Milenio" сонины мэдээлснээр осол ням гарагт гарсан ба гэмтэгсдийн биеийн байдал муу байгаа гэнэ.