Засгийн Газрын хэрэгжүүлэгч агентлаг Эм, эмнэлгийн хэрэгслийн хяналт, зохицуулалтын газар нь эм зүйн салбарын нэгдсэн бодлогыг хэрэгжүүлж, төр хувийн хэвшлийн түншлэлийг бэхжүүлэх зорилтынхоо хүрээнд тогтвортой үйл ажиллагаа явуулж ирсэн холбоодын төлөөлөлтэй олон талт хамтын ажиллагааг эхлүүллээ.

Тодруулбал, ЭЭХХЗГ-ын дарга Б.Цэцэгсайхан, 5 дугаар 14-ний өдөр Монголын эм зүйн байгууллагуудын нэгдсэн "Эм Холбоо" ТББ, "Монголын эм хангамжийн байгууллагын холбоо", "Эм зүйн мэргэжлээр төгсөгчдийн холбоо"-ны удирдах зөвлөлийн гишүүдийг хүлээн авч, хамтран ажиллах санамж бичигт гарын үсэг зурав.