Захууд махны ил задгай худалдааг болиулахыг дэмжлээ

    Махны ил задгай худалдааг болиулж хэрэглэгчдэд эрүүл ахуйн шаардлага хангасан бүтээгдэхүүн нийлүүлэх, махны бөөний худалдааг Улаанбаатар хотын 4-н захад байрлах зах худалдааны төвүүдээр борлуулахыг зах худалдааны төвийн удирдлагууд санал нэгдэн дэмжлээ. Стратегийн хүнсний бүтээгдэхүүн, түүн дундаа махтай холбоотойгоор төрөөс авч хэрэгжүүлэх арга хэмжээ, тогтолцоог зөв болгох сайжруулах, зарим буруу шийдвэрүүдийг засах хэрэгтэйг хэлж Монгол Улсын Шадар сайдын тушаалаар ажлын хэсэг байгуулж ажиллахаар хэлцэн тохирлоо.