Лүн, Дашинчилэн чиглэлийн замд үер бууж, зарим хэсэг эвдэрчээ

Сүүлийн өдрүүдэд их хэмжээний усархаг бороо үргэлжлэн орсны улмаас олон улс, улсын чанартай авто зам, тэр дундаа А27 Лүн-Дашинчилэн-Батцэнгэл чиглэлд их хэмжээний үер буужээ. Улмаар авто зам сэтэрч, замын хөвөө усанд угаагдаж, их, бага хэмжээний эвдрэл үүссэн байна.

Цаг агаарын аюулт үзэгдэл, борооны үерийн гамшгаас хамгаалах үүднээс нийт ард иргэдийг Улаанбаатар хотоос хөдөө орон нутаг руу, мөн орон нутгаас Улаанбаатар хот руу онцын шаардлагагүй бол хөдөлгөөнд оролцохгүй байхыг сэрэмжлүүлэн анхааруулж байна. Яг одоо Шуурхай ажлын хэсэг холбогдох арга хэмжээг авахаар ажиллаж байгаа болно хэмээн Зам, тээврийн хөгжлийн яамнаас мэдээллээ.