Халдварт өвчний үед хүүхдийн эмчилгээ, асаргааны зөвлөгөө өгөх утас ажиллаж байна

Нийслэлийн харьяа эрүүл мэндийн байгууллагуудад хүүхдийн амьсгалын замын өвчлөл, томуу, томуу төст өвчин, “Ковид-19” халдварын эмчилгээ, асаргааны талаар зөвлөгөө өгөх утас тогтмол ажиллаж байна. 

Ковидын халдвартай зэрэгцэн улирлын томуугийн дэгдэлт нэмэгдэж байгаа гэж НЭМГ-аас мэдээлсэн. Томуугийн вакциныг өмнө жилүүдэд аравдугаар сард эхлүүлдэг байсан ч цар тахалтай холбоотойгоор есдүгээр сард 2-11 насны хүүхдүүдэд томуугийн вакцин хийсэн юм. Нийслэлийн хэмжээнд томуугийн вакцинжуулалт 94.4 хувьтай байна. Эцэг, эхчүүд халдварын тархалт өндөр байгаа энэ үед асаргаа, эмчилгээтэй холбоотой мэдээллийг дараах утсаар авч болно.