Өмнөд Америкийн хөлбөмбөгийн холбоо мэдэгдэл гаргав

         Өмнөд Америкийн хөлбөмбөгийн холбоо (КОНМЕБОЛ) дэлхийн аварга шалгаруулах тэмцээнийг хоёр жил тутамд зохион байгуулах ОУХБХ-ны саналыг эсэргүүцэж, мэдэгдэл гаргажээ. "ОУХБХ-ноос санал болгож буй өөрчлөлтөд ямар ч шалтгаан, давуу тал, үндэслэл байхгүй. Энэхүү төсөл нь дэлхийн хөлбөмбөгийн бараг зуун жилийн уламжлалаас татгалзаж, манай гарагийн хамгийн чухал спортын үйл явдлын нэг түүхийг үл тоомсорлов. Тиймээс КОНМЕБОЛ-ын гишүүн арван орон хоёр жил тутам дэлхийн аварга шалгаруулах тэмцээнийг зохион байгуулдаг болбол хойшид оролцохгүйгээ мэдэгдэж байна. КОНМЕБОЛ одоогийн дэлхийн аварга шалгаруулах тэмцээнийг цаг хугацаа, шалгуурын системээр нь дэмжиж байгаа. Учир нь энэ нь спортын өндөр амжилт, үр өгөөжтэй хичээл зүтгэл, авъяас чадвар, төлөвлөсөн ажилд суурилсан амжилттай загвар болох нь батлагдсан" гэж уг мэдэгдэлд дурдсан байна.