ОУХМ Б.Хорлоодой "Их дуулга"-аас гурав дахь медалиа зүүв

    Азербайжаны нийслэл Бакуд ОУЖБХ-ны "Их дуулга" тэмцээн эхэллээ. Эмэгтэйчүүдийн 52 кг-д зодоглосон ОУХМ Б.Хорлоодой шөвгийн наймд ОХУ-ын А.Поликарповад 2 минут 4 секундэд цэвэр ялагдсан ч дагах барилдаанд орос бүсгүй Л.Нугаеваг 1 минут 43 секундэд, хүрэл медалийн төлөөх барилдаанд Германы А.Вурфелийг ердөө 17-хон секундэд цэвэр ялжээ. 
Энэ нь 23 настай түүний "Их дуулга"-аас хүртсэн гурав дахь медаль бөгөөд өмнө нь ноднин Дюсселдорф, хагас сарын өмнө Парисын "Их дуулга"-аас тус бүр хүрэл медаль авсан юм. Нөгөө хүрэл медалийн эзнээр ОХУ-ын А.Паликарпова тодорсон бол Унгарын Р.Папп түрүүлж, Их Британийн Ч.Гилес үзүүрлэсэн байна. Эл жинд 12 бүсгүй зодоглосон аж.
No description available.

СЭТГЭГДЭЛ БИЧИХ