Хүний амь насанд халдсан этгээдийг эрэн сурвалжилж байна

Өчигдөр буюу арваннэгдүгээр сарын 17-ны өдөр Дорнод аймгийн Хэрлэн суманд бусдад хутгалуулж нас барсан 27 настай эрэгтэйн цогцос олджээ.

Цагдаа нар хэргийн газраас биологийн дээж, модон иштэй хутга болон архины шил зэргийг хураан авсан байна. Улмаар уг хэрэгт Дорнод аймгийн Хэрлэн сумын иргэн 44 настай Г гэгчийг сэжиглэн, эрэн сурвалжилж эхэлжээ.

Сэжигтэн этгээд нь талийгаачтай хамт архи согтууруулах ундааны зүйл хэрэглэсэн гэх ба согтуурсан үедээ уг хэргийг үйлдсэн гэж урьдчилсан байдлаар үзэж байгаа ажээ.