Нигери дөрвөн орны иргэдийг нэвтрүүлэхийг хориглож магадгүй

     Нигери улс Канад, Их Британи, Аргентин, Саудын Арабаас зорчигчдыг нэвтрүүлэхээс татгалзах бодолтой байна. Эдгээр улс өмнө нь Нигерийг коронавирусийн омикрон омогтой улсын улаан жагсаалтад оруулсан ба тэндээс ирж буй зорчигчдыг үл нэвтрүүлэх шийдвэр гаргасан юм. Энэ тухай Нигерийн Агаарын тээврийн сайд Хади Сирика ням гарагт хэвлэлийн бага хурал хийх үеэрээ мэдэгдсэнийг Синьхуа агентлаг эшлэн уламжилсан байна. Сайдын мэдэгдсэнчлэн засгийн газар холбогдох шийдвэрийг ойрын гурав хоногт гаргаж мэднэ. Энэ нь дээрх дөрвөн улсын гаргасан арга хэмжээний хариу үйлдэл болохыг тэр онцолсон юм. Одоогоор тус улсад омикрон омгийн зургаан тохиолдол илрээд буй.