Москвад сүүлийн 32 жилд ороогүй их хэмжээний цас унажээ

Энэ талаар "Фобос" цаг уурын төвийн ахлах мэргэжилтэн Евгений Тишковец нүүр номдоо бичжээ. Түүнийхээр нэг сард ордог цасны 20 хувь өчигдөр орсон нь сүүлийн 32 жилд тохиолдоогүй гэнэ. Цаг уурын ахлах мэргэжилтнийхээр агаар мандлын фронтын нөлөөллийн идэвхтэй давалгааны нөлөөгөөр 12-р сарын 13-нд Москвад хамгийн их цас орсон байна. Үүнээс өмнө нь энэ сарын долоонд 8 миллиметр цас орсон нь хамгийн дээд үзүүлэлт байсан аж. Евгений Тишковец өвлийн эхний сард орох хур тунадасны хэмжээг 56 миллиметр гэж тогтоосон ба 1989 оноос хойш нэг өдөрт ийм их хэмжээний цас унаагүй юм байна.Цаг уурын ахлах мэргэжилтний судалгаагаар нийслэлд ойрын хугацаанд өдөрт 8-13 миллиметр цас орно.