Ерөнхий сайд Л.Оюун-Эрдэнэ эдийн засгийг сэргээх Шинэ сэргэлтийн бодлогод тусгасан зургаан багц асуудлын талаар  МАН-ын 30 дугаар Их хурлын индэр дээрээс албан ёсоор танилцуулсан.

Түүний танилцуулсан зургаан багц асуудлыг тодотговол:

•     Боомтын сэргэлт
•     Эрчим хүчний сэргэлт
•     Аж үйлдвэржилтийн сэргэлт
•     Хот, хөдөөгийн сэргэлт
•     Ногоон хөгжлийн сэргэлт
•     Төрийн бүтээмжийн сэргэлт

 Тэгвэл Сангийн яамнаас “Боомтын сэргэлт”-ийн талаар тухайлан танилцуулж байна.

Монгол улс нийт 46 боомттой. Гэвч нийт экспортын 70% Замын-Үүд, Гашуунсухайт,  импортын 92% Алтанбулаг, Замын-Үүд, Гашуунсухайт боомтод ноогдож байгаа нь ачааллыг ихэсгэж, төвлөрөл бий болгоод байна. Мөн эдгээр боомтын нэвтрүүлэх хүчин чадал хэрэгцээ, шаардлагаас 1.2-8.2 дахин бага байна.

“Шинэ сэргэлтийн бодлого”-ын хүрээнд дараах боомтуудыг автозам, төмөр замаар холбоно.

• Гашуунсухайт
• Ханги
• Шивээхүрэн
• Бичигт

Үр дүн: Бараа тээврийн өртгийг 75% хэмнэж, экспортын хэмжээг 2 дахин нэмнэ.

Агаарын тээвэр: Одоо ганц идэвхтэй боомттой. Цаашид агаарын тээврийн либералчлалыг эрчимжүүлж, карго тээврийг хөгжүүлэн аялал жуулчлал, экспортын шинэ боломжуудыг нээнэ.