А.Овечкин 754 дэх шайбаа орууллаа

    NHL-ийн "Вашингтон Кэпиталз" багийн ахлагч Александр Овечкин 754 дэх шайбаа оруулав. "Детройт Ред Уингз"-тэй хийсэн шинэ оны эхний тоглолтдоо нийслэлийн баг 3:1-ээр хожлоо. Тоглолтын 57 болон 59 дэх минутад 36 настай орос довтлогч А.Овечкин дубль оруулжээ. Энэ нь түүний оруулсан 754 дэх шайб болсон аж. 2005 оноос NHL-д хүчин зүтгэж буй тэрээр 1,230 тоглолтод 754 шайб оруулаад буй. "Агуу Алекс" бүх цаг үеийн "мэргэн буучид"-ын жагсаалтын дөрөвдүгээрт бичигдэж байна.