Начин цолны барилдаанд гарьд М.Бадарч түрүүлжээ

       "Бизкон аудит" компанийн 20 жилийн ойд зориулсан Монгол Улсын начин цолны хүндэтгэлийн улс, аймгийн алдар цолтой 256 бөхийн барилдаан өчигдөр/2022.02.27/ дуулиан шуугиантай болж өнгөрлөө. Нэгийн даваа товлосон цагаасаа оройтож эхэлсэн. Тодруулбал, улсын арслан Ц.Содномдорж болон "Даян" дэвжээний бөхчүүд даян аварга Н.Батсуурь, улсын арслан Р.Пүрэвдагва нарыг барилдаж буйг эсэргүүцэж, дэвжээнээ гараагүй юм. Эцэст нь, Даян дэвжээний бөхчүүд зодоглохгүй гэдгээ мэдэгдэж, харин улсын арслан Ц.Содномдорж барилдсан.