МИАТ: “Улаанбаатар-Истанбул“ чиглэлийн анхны шууд нислэгийн тийзийн тусгай үнэ хоёр талдаа 2.070.000 төгрөг байна

Үндэсний агаарын тээвэрлэгч МИАТ ТӨХК нь энэ сарын 6-наас Европын чиглэлийн нислэгээ өргөжүүлэн Турк улсын эдийн засаг, соёл, түүхт үйл явдлын төв хот болох Истанбул хот руу Боинг 767-300ER агаарын хөлгөөр ШУУД нислэг үйлдэхээр болсон. Тодруулбал, тус нислэг нь дөрөвдүгээр сарын 6-ны өдрөөс эхлэн долоо хоног бүрийн Лхагва гарагт хийгдэх бөгөөд Улаанбаатар хотоос 9 орчим цаг нисээд Истанбул хотод хүрэх аж.

Тэгвэл Улаанбаатараас эхлэлтэй хоёр талын нислэгийн тийзний үнэ 2.650.000 төгрөгөөс эхэлж байгаа бөгөөд нислэгийн суудал дүүргэлтээс хамааран өөрчлөлт орох боломжтой гэж МИАТ-ээс мэдээллээ. Мөн Истанбулаас эхлэлтэй дөрөвдүгээр сарын 6-ны өдрийн анхны нислэгийн тусгай үнэ нэг талдаа 1.025.000 төгрөг, хоёр талдаа 2.070.000 төгрөг байх аж.

Гэхдээ валютын ханшын зөрүүнээс өөрчлөлт орох боломжтойг анхаарна уу гэжээ.