ХАА-н зарим санхүүжилтийг ҮАБЗ-д танилцуулахыг салбарын сайдад даалгажээ

Өнөөдрийн Засгийн газрын хуралдаанаар Хөдөө аж ахуйн салбарын зарим санхүүжилтийг ҮАБЗ-д танилцуулахыг салбарын сайд З.Мэндсайханд даалгажээ. Тодруулбал;

• Хүлэмжийн аж ахуйг хөгжүүлж шинээр 20 га талбай бүхий өвлийн хүлэмж барихад 60 сая ам.доллар,
• Агуулах зоорийн хүчин чадлыг 35 мянган тонноор нэмэгдүүлэхэд 40 сая ам.доллар,
• Хамгаалагдсан нийт хөрсний тариаланг хөгжүүлэх, хүнсний ногооны хадгалалт, борлуулалтыг нэмэгдүүлэхэд нэн шаардлагатай 100 сая ам.долларын санхүүжилтийн асуудлыг Үндэсний аюулгүй байдлын зөвлөлд танилцуулахыг Хүнс, хөдөө аж ахуй, хөнгөн үйлдвэрийн сайдад даалгалаа.