“Петрочайна Дачин Тамсаг” ХХК-ийн үйл ажиллагааны мэдээллийг хаалттай сонсож байна

УИХ-ын Аюулгүй байдал, гадаад бодлогын байнгын хорооны хуралдаанаар Тамсагбулагийн сав газрын Тосон-Уул XIX, Тамсаг XXI талбайд үйл ажиллагаагаа явуулж байгаа “Петрочайна Дачин Тамсаг” ХХК-ийн үйл ажиллагааны талаар мэдээлэл сонсохоор төлөвлөсөн юм. Байнгын хорооны гишүүд хаалттай хуралдаж энэ асуудлыг хэлэлцэх нь зүйтэй гэж үзлээ. Улмаар Аюулгүй байдал, гадаад бодлогын байнгын хорооны хуралдаан хаалттай үргэлжилж байна.   Байнгын хороог хаалттай хуралдуулах горимын саналыг УИХ-ын гишүүн Ц.Сэргэлэн гаргасан бөгөөд тэрээр "Хаалттай хэлэлцсэн нь дээр. Тэгэхгүй бол алуулна шүү" гэсэн юм. Тэрээр “Петрочайна Дачин Тамсаг” ХХК-ийн үйл ажиллагаа явуулж буй Дорнод аймгаас УИХ-д сонгогдсон.