Бүгд Найрамдах Социалист Вьетнам улсад Монгол Улсын иргэд хулгайн хэрэгт холбогдсон талаар тус улсын хэвлэлд мэдээлжээ.

Тухайн мэдээлэлд зургаадугаар сарын 3-ны өдөр Монгол Улсын 14 иргэн нийлж, жуулчны гудамжинд хооллож байсан Шведийн иргэний хэтэвчийг хулгайлж, зээлийн картнаас нь 21 мянган ам.долларын гүйлгээ хийж, үнэт эдлэл худалдан авсан гэжээ.

Улмаар тус улсын цагдаагийн газраас тэднийг эрэн сурвалжилж, Хошинмин рүү зугтах гэж байхад нь долоон монгол иргэнийг баривчлан саатуулаад байгаа бол дахин долоон иргэнийг үргэлжлүүлэн хайж байгаа ажээ.