“Чингис хаан” музейн тасалбар дуусчээ

"Чингис хаан" үндэсний музейгээс гуравдугаар сарын 4-5-ны өдрүүдэд зөвхөн ticket.mn-ий үнэгүй тасалбараар иргэдэд үйлчлэхийг анхааруулсан. Тэгвэл амралтын өдрүүдэд ачаалал эрс нэмэгдсэнтэй холбоотойгоор www.ticket.mn-ий өнөөдрийн захиалга дууссан байна. Музейг үнэгүй үзэх өдөр өнөөдрөөс дуусгавар болж байгаа юм. Музейн нээлттэй өдрүүдийн хүрээнд өчигдөр буюу гуравдугаар сарын 4-ний өдөр Чингис хаан Үндэсний музейгээр нийт 3957 иргэн үйлчлүүлснээс 1573 буюу 40 хувь нь хүүхэд байжээ. Мөн тус өдөр музейгээс явуулдаг боловсролын хөтөлбөрүүдэд нийт 86 хүүхэд хамрагдсан байна.