Нийслэлийн хэмжээнд авто зогсоолуудад шалгалт хийнэ

Нийслэлийн Онцгой байдлын газраас нийслэлийн нутаг дэвсгэрт байршилтай байгууллага, аж ахуйн нэгж, иргэдийн автомашины тавиулан, засварын газруудад гамшгаас хамгаалах болон гал түймрийн улсын хяналтыг хэрэгжүүлэх шалгалтыг зохион байгуулжээ.

Шалгалтанд нийт 210 объект хамрагдаж, шалгалтын явцад 923 зөрчил илрүүлж, газар дээр нь 338 зөрчлийг арилгуулж, бусад зөрчлүүдийг арилгуулахаар гал түймрийн улсын хяналтын байцаагчийн заавал биелүүлэх албан шаардлага 124, мэдэгдэл 41, ажиллагаа зогсоох тогтоол есөн, танилцуулга гурвыг бичиж, байгууллагын шийдвэр гаргах түвшний эрх бүхий албан тушаалтанд хүргүүлжээ.
Биелэлтийн шалгалтыг ирэх сарын 4-17-нд Нийслэлийн нутаг дэвсгэрт байршилтай авто зогсоол, авто засварын газрууд, авто үйлчилгээний байгууллагуудад нийслэлийн Онцгой байдлын газрын Урьдчилан сэргийлэх хяналтын хэлтэс,есөн дүүргийн Онцгой байдлын хэлтсийн гал түймрийн улсын хяналтын байцаагчид хийнэ.
Биелэлтийн шалгалтаар аравдугаар сард хийсэн шалгалтаар илэрсэн зөрчлийг хэрхэн арилгасан, үйл ажиллагаа явуулахдаа Монгол Улсын Төрийн хяналт шалгалтын тухай, гамшгаас хамгаалах тухай болон галын аюулгүй байдлын тухай, барилгын тухай хууль, гал түймрийн улсын хяналтын дүрэм, авто зогсоол. Ангилал ба ерөнхий шаардлага стандарт, Хийн хангамж, Барилга байгууламжийн галын аюулгүй байдал, Барилгын доторхи усан хангамж, Гадна сүлжээ ба байгууламж, Барилга байгууламжийн гал унтраах автомат төхөөрөмж, дохиоллын хэрэгсэл,Галын аюулаас хамгаалах. Аж ахуй нэгж байгууллага, барилга байгууламжид гал унтраах анхан шатны багаж хэрэгслийн зайлшгүй байх шаардлага норм, халаалт агаар сэлгэлт ба кондиционер, норм дүрэм, стандартын хэрэгжилтийг тус тус шалгана гэж Нийслэлийн Онцгой байдлын газраас мэдээллээ.