Барс-2 худалдааны төвийн урд вагоны зам дээр хэвтэж байсан эмэгтэйг аварчээ

Баянгол дүүргийн цагдаагийн хоёрдугаар хэлтсийн 20-р хорооны хэсгийн байцаагч ахлах дэслэгч Д.Мөнхболд ахлах ахлагч Г.Зоригтбаатар мөн олон нийтийн цагдаа С.Чулуунбаатар нар нь амиа хорлох гэж байсан иргэнийг аварчээ.

Тус хорооны Барс-2 худалдааны төвийн урд вагоны зам дээр эмэгтэй хүн хэвтээд байна гэсэн мэдээллийг иргэдээс хүлээн авсан аж. Улмаар газар дээр нь очиж шуурхай шалгасны эцэст Ю овогтой С нь согтуу байдалтай вагоны зам дээр хэвтэж амиа хорлох гэж байсныг вагоны замаас татан холдуулж, эмэгтэйн амь насыг нь аварсан байна. Түүнийг холбогдох төмөр замын цагдаагийн ажилтнуудад хүлээлгэн өгсөн гэнэ.

Ю.Халиун