Монгол аавын хүү дэлхийн шилдэг болох болтугай

BBC-гээс хоёр жил тутамд зохион байгуулдаг дуурийн дуучдын “Cardiff Singer of the World” уралдаант шалгаруулалтын шилдэг 20 дуучны нэрсийг Лондон хотод зарлажээ. УДБЭТ-ын гоцлол дуучин Монгол Улсын гавьяат жүжигчин Э.Амартүвшин энэхүү дэлхийн хамгийн нэр хүндтэй тэмцээний сүүлийн 20 шилдэг дуучны нэгд шалгараад байна
Шилдэг дуучдын тоонд Монголоос гадна Уэльс, Франц, Итали, Мальт, Норвеги, АНУ, Өмнөд Солонгос, Белорусс, Украин, Турк, ӨАБНУ-ын дуучид багтсан юм.
Энэхүү тэмцээнд дэлхийн шилдэг гэсэн нийт 350 орчим дуурийн дуучид оролцсон байна. Авъяастнуудыг хайх уралдаант шалгаруулалт өнгөрсөн жилээс эхэлсэн бөгөөд гурван шүүгч есөн хотод ажиллаж шилдгүүдийг шалгаруулжээ. Сүүлийн шатны шалгаруулалт нь Сэйнт Дэвид Холлд зургадугаар сарын 14-21-ний хооронд болох юм. Манай дуучин шилдэг 20-ийн тоонд багтаж шалгарахдаа маш дээгүүр оноогоор бусдыгаа хошуучилж шалгарсан сайхан мэдээ байна. Монгол аавын хүү Дэлхийн шилдэг дуучин болох болтугай.
Белоруссын 32 настай сопрано Надин Кутчер, Мария Пинчук нар
Канадын сопрано Авива Фортуната 27 настай, Францын сопрано Аларис Констанс 26 настай
Германы басс хоолойт дуурийн дуучин Себастьян Плигрим 30 настай, Италийн басс, баритон Роберто Лорензи 25 настай
Maльт улсын тенор Нико Дарманин 30 настай, Монголын баритон Энхбатын Амартүвшин 29 настай
Норвегийн меццо сопрано Ингборг Гиллебо 32 настай, Швейцарийн сопрано Регула Мельманн 29 настай
ӨАБНУ-ын сопрано Келебогиль Бесонг 28 настай, БНСУ-ын басс, баритон Инсу Хванг
БНСУ-ын тенор Жэйён Жунг 31 настай, басс Жонмин Пак 28 настай
Туркийн тенор Икер Аркэйрек 30 настай, Украины тенор Олексей Палчыков 29 настай
АНУ-ын дуурийн гурван од: Басс, баритон Райн Спидо Грин 29 настай, сопрано Лорен Мишель 32 настай, меццо Жей Ней Брижес 29 настай

СЭТГЭГДЭЛ БИЧИХ