Голын усанд осолдож, амиа алджээ

Хан-Уул дүүргийн 11 дүгээр хороо, Зайсангийн гүүрний дэргэд хүн усанд живсэн гэсэн дуудлага өчигдөр ОБЕГ-т иржээ. Тодруулбал, Хан-Уул дүүргийн зургадугаар хороо ерөнхий боловсролын 41 дүгээр дунд сургуулийн хойд талд 50-55 орчим насны эрэгтэй хүний цогцос туул голын эрэг дагуу урсаж байсныг гаргаж тус дүүргийн цагдаагийн бүрэлдэхүүнд хүлээлгэн өгсөн байна.

Голын ойр орчимд байсан иргэдийн мэдээлж байгаагаар усанд осолдсон иргэн согтууруулах ундаа хэрэглэсэн байсан гэдгийг хэлсэн байна. Дулааны улирал эхэлж байгаатай холбогдуулан нийслэлийн Онцгой байдлын газраас иргэдэд голын эрэг дагуу аялж зугаалахдаа аюулгүй байдлаа хангаж, голын усанд орохгүй байж, бага насны хүүхдийг хяналттай байлгахыг анхааруулж байна.