Тамхины хуулийн хэрэгжилтийн талаар мэдээлэл хийнэ

Дэлхий нийтээр жил бүрийн тавдугаар сарын 31-ний өдрийг тамхигүй өдөр болгон тэмдэглэдэг.

Дэлхийн эрүүл мэндийн байгууллага (WHO) байгуулагдсаны 40 жилийн ойд зориулж 1987 оны 4 дүгээр сарын 7-ныг тамхигүй өдөр болгон зарлажээ. Харин үүний дараа жил нь буюу 1988 онд энэ өдрийг 5 дугаар сарын 31-нд тэмдэглэж байх захирамж гарснаар "World No tobacco day"-ыг энэ өдөр тэмдэглэх болжээ.

Манай орны хувьд УИХ-аас баталсан “Тамхины хяналтын тухай шинэ хууль”-ийг нийтээрээ мөрдөж эхлээд хоёр жил өнгөрөөд байна. Тэгвэл энэ хугацаанд хуулийн хэрэгжилт ямар байгаа талаар өнөөдөр УИХ-ын гишүүн Л.Эрдэнэчимэг Төрийн ордны Г танхимд мэдээлэл хийх гэнэ. Энэхүү хуулийн талаар шүүмжлэлтэй хандах иргэд байгаа ч нөгөө талаар эерэг үр дүн ч багагүй гарч байгааг хэлэх хүн олон.

НҮБ-ын мэргэжилтнүүдийн тооцоогоор дэлхийн нийтийн тамхины одоогийн чиг хандлага цаашид үргэлжилсээр байвал чимээгүй үхэл буюу тамхины улмаас энэ зуунд нэг тэрбум гаруй хүн нас барна гэсэн судалгаа байдаг аж.

Ю.Халиун