Монголын Бизнесийн зөвлөлөөс харилцагчдадаа мэдэгдэл хүргүүлжээ

“Монголын Бизнесийн Зөвлөл”-өөс гишүүддээ цахим шуудан илгээж, Б.Бямбасайханг хянаж, шалгаж байгаа асуудлаар байр сууриа илэрхийлжээ. Энэхүү и-мейлд “Монголын Бизнесийн Зөвлөл” өөрсдийн байгууллагын үйл ажиллагааны талаар товчхон дурдаад эл асуудалд онцгой анхаарал хандуулж байгаагаа илэрхийлэв.

Гишүүдэд илгээсэн тус и-мейлд “Монголын Бизнесийн Зөвлөл”-ийн дарга Б.Бямбасайханг өнгөрсөн ням гарагт баривчилж, 30 хоног хүртэлх хугацаанд хорьж шалгах шүүхийн шийдвэр гарсан талаар дурьдав.

Мөн Б.Бямбасайхан нь 2012 оноос хойш “Монголын бизнесийн зөвлөл”-ийн даргаар ажиллаж байгаа талаар бичжээ. Тэрээр Монголын эдиийн засагт хувь нэмрээ оруулсан бизнесмен, удирдагч, эрх баригч хоёр намын итгэлтэй зөвлөх бөгөөд түүний шулуун шудрага занд итгэж байна гэжээ.