Гэр хорооллыг хөгжүүлэх төсөл МБИНХ-той хамтран ажиллана

"Гэр хорооллыг хөгжүүлэх, хөрөнгө оруулалтыг дэмжих хөтөлбөр” төсөл 1-ийн хүрээнд Баянхошуу, Сэлбэ дэд төвүүдэд бизнес инкубатор болон мэргэжил, сургалт, үйлдвэрлэлийн төвийн зориулалттай ашиглах барилгыг 2018 онд ашиглалтанд оруулна.

Жижиг дунд үйлдвэрлэлийг цогцоор нь хөгжүүлэх, эдийн засгийн өрсөлдөх чадварыг дээшлүүлэх, бизнес инкубатор төвийг хөгжүүлэх, бараа бүтээгдэхүүн, ажил, үйлчилгээг сурталчлан борлуулах, ажлын байр шинээр бий болгох зорилготой юм.

энэхүү бүтээн байгуулалтыг хамгийн оновчтой хэлбэрээр уялдуулах, үр шимийг нь бизнес эрхлэгчдэд хүртээх, мөн шинээр бизнес эрхлэх хүсэл эрмэлзэлтэй иргэдэд мэргэжлийн туслалцаа үзүүлэхээр Монголын Бизнес Инкубаторуудын Нэгдсэн Холбоо-той хамтран ажиллахаар болж 2018 оны дөрөвдүгээр сарын 04-ний өдөр “Санамж бичиг” байгууллаа.