Д.Муратад холбогдох шүүх хурал хойшлов

УИХ-ын гишүүн Д.Муратад холбогдох хэргийн шүүх хурал өнөөдөр /2018.07.25/ товлогдсон байсан ч хойшилж, маргааш болжээ.

Тодруулбал, Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд 14:00 цагт товлогдсон байна.

Түүнийг Эрүүгийн хуулийн 11.6 дугаар зүйл болох 'Хүний эрүүл мэндэд хөнгөн хохирол учруулах' гэсэн заалтаар хэрэг үүсгэсэн байна. Хуульд зааснаар “Хүний эрүүл мэндэд хөнгөн хохирол учруулсан бол дөрвөн зуун тавин нэгжээс нэг мянга гурван зуун тавин нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас гурван сар хүртэл хугацаагаар зорчих эрхийг хязгаарлах ял шийтгэнэ” гэсэн заалтаар яллах дүгнэлт үйлдсэн аж.