Ц.Цолмон: Чуулганыг 14 хоног сунгаж хуралдуулах боломжтой

Ерөнхийлөгч Х.Баттулга УИХ-ын намрын чуулганы хугацааг сунгах саналыг УИХ-д хүргүүлсэн. Энэ талаар УИХ-ын Тамгын газрын дарга Ц.Цолмонгоос тодрууллаа. 

-Ерөнхийлөгчийн зүгээс намрын чуулганыг сунгаж хуралдуулах санал гаргажээ. Энэ боломжтой юу? 

-УИХ-ын тухай хуулиараа хоёрдугаар сарын 10-нд завсарлана. Гэхдээ сунгах боломжтой. Хуулийн зохицуулалт бий. 

-Хэр хугацаанд сунгах боломжтой вэ? 

-УИХ-ын даргын захирамжаар 14 хоногийн хугацаанд сунгаж болно. 

-Чуулганаар хэлэлцэгдэхээр хүлээгдэж байгаа асуудлууд байна уу? 

-Хэлэлцэгдээд явж байна. Өнөөдөр Төрийн албаны тухай хууль батлагдаад явж байна. 

-Чуулгандаа ирэхгүй байгаа гишүүдийн цалинг хасна гэх асуудал яригдаж байсан. Энэ юу болсон бэ? 

-Цалин хассан асуудал байхгүй.