Прокурор П.Эрдэнэбат өөрийн хүсэлтээр ажлаасаа түр чөлөөлөгдөж, шалгуулахыг хүсчээ

Улсын ерөнхий прокурор Б.Жаргалсайхан тушаал гаргаж, Авлигатай тэмцэх газраас “үндэслэлгүйгээр хөрөнгөжсөн байж болзошгүй” үндэслэлээр шалгаж байгаа Сургалт, судалгааны төвийн хяналтын прокурор П.Эрдэнэбатыг өөрийнх нь хүсэлтээр албан тушаалаас  нь чөлөөлсөн байна.

Учир нь прокурор П.Эрдэнэбат ажлаасаа түр чөлөөлөгдөж байгаад хэвлэлээр гараад буй мэдээллийн дагуу шалгуулаад үнэн мөнөө тогтоолгохыг хүсчээ.

Прокурор П.Эрдэнэбатыг үндэслэлгүйгээр хөрөнгөжсөн тухай мэдээлэл хэвлэл мэдээллийн хэрэгслээр удаа дараа гарч байгаа бөгөөд хууль сахиулах байгууллагаас уг асуудлыг мөрдөн шалгаж байгаа тохиолдолд албан үүргээ хэрэгжүүлэх нь сонирхлын зөрчил үүсгэж болзошгүй гэж үзсэн тул ийнхүү шийдвэрлэжээ.