УИХ-ын Тамгын газрын даргад Л.Өлзийсайханыг дэмжлээ

 Төрийн байгуулалтын байнгын хорооны хуралдаан өнөөдөр болж, УИХ-ын Тамгын газрын даргыг чөлөөлөх, томилох асуудлыг хэлэлцлээ. Тодруулбал, УИХ-ын Тамгын газрын дарга Ц.Цолмонг үүрэгт ажлаас нь чөлөөлөхийг дэмжиж, харин түүний оронд УИХ-ын дарга Г.Занданшатарын ахлах зөвлөх Л.Өлзийсайханыг томилохыг дэмжсэн байна. 

Уг асуудлыг маргаашийн УИХ-ын чуулганы нэгдсэн хуралдаанаар хэлэлцэж, эцэслэн батлах аж. 

Л.Өлзийсайхан нь эрх зүйч мэргэжилтэй юм байна.