МАН-ын дарга У.Хүрэлсүх, сайд Д.Сарангэрэлийг нэр дэвшүүлэхээр болжээ

    МАН-ын дэргэдэх Нийгмийн Ардчилал Монголын Эмэгтэйчүүдийн Холбоо (НАМЭХ)-ны ээлжит VII хурал өнөөдөр /2019.10.17/ Тусгаар тогтнолын ордонд 09.00 цагт эхэлнэ. Дүрмийн дагуу энэ удаагийн хурлаар Ерөнхийлөгчөө сонгох бөгөөд түүний нэрийг намын дарга У.Хүрэлсүх санал болгоно.

    Тиймээс намын удирдлагын зүгээс УИХ-ын гишүүн, Эрүүл мэндийн сайд Д.Сарангэрэлийг НАМЭХ-ны Ерөнхийлөгчид нэр дэвшүүлэхээр тохиролцсон байна.

    Тиймээс намын даргын шийдвэрийг өнөөдрийн хурал дээр МАН-ын генсек Д.Амарбаясгалан танилцуулах юм байна. Намын даргын санал болгосон нэр дэвшигчийг НАМЭХ-ны хуралдаанаар хэлэлцэнэ. Гэхдээ түүнтэй зэрэгцэн Сангийн дэд сайд Х.Булгантуяа НАМЭХ-ны Ерөнхилөгчид албан ёсоор нэр дэвших хүсэлтээ өгсөн. Гэвч намын удирдлага шийдвэрээ гаргасан учраас тэрбээр заалнаас нэр дэвших болов уу.

     НАМЭХ-ны Ерөнхийлөгчийн сунгаанд хэн нь олонхын санал авч чадах, ирэх дөрвөн жил намын эмэгтэйчүүдийг нэгтгэж, толгойлж чадах вэ гэдэг асуудал өнөөдөр тодорхой болох нь.