Орхон аймагт гурван ихэр охин мэндэлжээ

Орхон аймаг өнгөрсөн оны сүүлээр гурван ихэр хүүхэд өлгийдөн авч байсан. Тэгвэл 2018 он гарсаар дахин гурван ихэр охин тус аймгийн БОЭТ-ийн төрөх тасагт мэндэлсэн байна.

Тодруулбал, өчигдөр өглөө Орхон аймгийн их залуу багийн иргэн н.Одхүүгийн гэр бүл 2120, 1820, 1890 жинтэй гурван охиноор бүл нэмж гэргий Цэрэннадмид нь алдарт эхийн 2-р одонгийн болзол хангаж байна. н.Одхүүгийн гэр бүл дөрвөн настай охинтой. Гурван ихэр төрснөөр дөрвөн охинтой болж байна.Хосууд энэ баярт явдлыг билэгшээж, аав, ээжийн үүрэг хариуцлага нэмэгдэж байгааг хэлж байлаа. Тэд хоёул багш мэргэжилтэй бөгөөд Булган аймгийн Бугат сумын сургуульд багшилдаг гэнэ.

Өмнө нь 2004, 2017 онд БОЭТ-ийн төрөх тасагт гурван ихэр хүүхэд мэндэлж байсан. 2018 он нарсаар анхны гурван ихэр мэндэлж байгаа нь энэ бөгөөд эх нярайн биеийн байдал тогтвортой сайн байна. Сүүлийн таван жилийн хугацаанд Орхон аймагт төрөлт эрчимтэй буурч байсан.

Харин 2018 он гарсаар өмнөх оны мөн үетэй харьцуулахад төрөлт өссөөр байгаа юм. Нийт шинээр мэндэлж буйхүүхдүүдийн 48 орчим хувь нь охин бол 52 хувь нь хүү байгаа юм.